Ditari i Shkrimit të Shenjtë

JANAR: Jam i zënë. Shumica e familjeve vendosën të më lexonin përgjatë vitit. Kjo ndodhi vetëm për dy javët e para, por tani më kanë harruar.

SHKURT: Koha për pastrim. Dje isha tërë pluhur dhe qëndroja në vendin tim. Personi që më ka më përdori për disa minuta javën e kaluar. Ai ndodhej në një debat dhe po kërkonte disa referenca për të vërtetuar që kishte të drejtë.

MARS: Dita e parë e muajit ishte e zënë për mua. Personi që më ka u zgjodh në një detyrë të lartë dhe më përdori për të përgatitur fjalimin.

PRILL: Këtë muaj na vizitoi gjyshi. Më mori në prehër për një orë dhe lexoi 1 Korinthianët 13. Ai duket sikur mendon me shumë për mua, sesa mendojnë njerëzit e shtëpisë që më mbajnë në sirtar.

Si të përjetosh një vit të bekuar

1. Prano në jetën tënde paqen që sjell Jisu Krishti. Ti mund ta gjesh këtë paqe çdo ditë duke banuar në praninë e Perëndisë nëpërmjet lutjes, leximit të Shkrimit të Shenjtë, dhe duke qenë e përqendruar në gjithçka që është e mirë, e pastër dhe e shenjtë. Jeto sipas mësimeve të Tij.
2. Shiko të mirën në kujtimin e çdo përvoje të kaluar (edhe nëse ajo ishte një sfidë); kërko të mirën në çdo bekim të tanishëm; shpreso në mirësinë e dashur të Perëndisë për të gjitha gëzimet e ardhshme.
3. Ji i përulur dhe me zemër të thjeshtë me të gjithë njerëzit. Gjithmonë i gatshëm të falësh të tjerët; kuptoji shpejt gabimet e tua dhe mos u nxito për të ofenduar.

Ndiq drejtimin e Tij dhe qëndro në harmoni me planin e mrekullueshëm që Ai ka për ty

A je përpjekur për diçka dhe ke marrë rezultatet që dëshiroje dhe herë tjetër je përpjekur për të njëjtën gjë dhe ke marrë rezultate të tjera? Kjo i ndodhi edhe Moisiut në Shkrimin e Shenjtë. Njerëzit kishin nevojë për ujë dhe Perëndia i tha Moisiut të godasë shkëmbin. Ai e goditi shkëmbin dhe uji buroi menjëherë. Një herë tjetër ata kishin përsëri nevojë për ujë, dhe Perëndia i tha Moisiut : "Foli shkëmbit ". A e dini se çfarë bëri Moisiu? Ai hipi mbi shkëmb dhe e goditi. Ai mendoi: “Eh, kjo funksionoi herën e fundit, do të funksionojë edhe këtë herë”. Por jo, nuk ndodhi ajo që pritej. Perëndia kishte një plan tjetër.
Çështja është që duhet të jemi të hapur dhe të ndreqemi duke u përpjekur të qëndrojmë në rrugën e vullnetit të Perëndisë. Ti mund të bësh të njëjtën gjë, në të njëjtën mënyrë që e bërë herën e fundit dhe të marrësh rezulate të ndryshme. Ajo mund të mos të jetë diçka e madhe, por si Moisiu, ndoshta është diçka e vogël. Ndonjëherë një shtyrje e vogël, një përshtatje e vogël mund të sjellë ndryshim të madh në rezultat.
Sot, sigurohu që nuk po i bën gjërat thjesht sepse kjo është mënyra që ti i ke bërë gjithmonë më parë. Përkundrazi, dëgjo zërin e Shpirtit të Shenjtë brenda teje.

UNE mund të bëj shumë më tepër sesa ti kërkon ose mendon.

UNE mund të bëj shumë më tepër sesa ti kërkon ose mendon. E ke të shkruar edhe në Shkrimin e Shenjtë, që ta kujtosh vazhdimisht: “Por Atij që sipas fuqisë që vepron në ne, mund të bëjë jashtë mase më tepër nga sa kërkojmë dhe mendojmë, Atij i qoftë lavdia në kishën, në Krishtin Jisu për të gjithë brezat, në jetë të jetëve. Amin”. Ef. 3:20-21

Eja tek Unë me pritshmëri pozitive, duke ditur që nuk ka kufi për ato që Unë mund të realizoj. Kërkoji Shpirtit të Shenjtë të kontrollojë mendimet e tua, që kështu të kesh mendime të mira për Mua, “sepse mendja e mishit është vdekje, por mendja e Frymës është jetë dhe paqe”. Rom.8:6

Mos u dekurajo nga fakti që shumë prej lutjeve të tua nuk e kanë marrë ende përgjigjen. Koha është mësues. Ajo të mëson ty si të presësh për Mua, si të më besosh në kohë të vështira. Sa më ekstreme të jenë rrethanat, më shumë do të shikosh Fuqinë dhe Lavdinë Time të veprojë në situatën tënde.
“Të rinjtë mundohen dhe lodhen, të rinjtë e zgjedhur me siguri pengohen dhe rrëzohen, por ata që shpresojnë te Zoti fitojnë forca të reja, ngrihen me krahë si shqiponja, vrapojnë pa u lodhur dhe ecin pa u lodhur”. Isaia 40:30-31

Mëshira Jote më gjallëron shpirtin

Kujto, ti je përfaqësues i Perëndisë në tokë!

A nuk është mirë të dish që nuk ka rëndësi se çfarë ndodhi dje, s’ka rëndësi çfarë the, s’ka rëndësi çfarë bëre, mëshira e Perëndisë është e re për ty sot? Mëshira është fuqizuese. Ajo na jep liri për të bërë zgjedhjet e duhura dhe të jetojmë në një mënyrë që i pëlqen Zotit. Ne duhet të kujtojmë gjithmonë që Zoti nuk na dënon. Në letrën drejtuar Romakëve na thuhet se nuk ka asnjë dënim për ata që janë në Krishtin. Perëndia dëshiron të na dojë dhe të na pajisë për të kapërcyer këtë jetë.

A ke nevojë për mëshirë të re sot? Merre atë me anë të besimit. Nuk nevojitet t’i lypësh Perëndisë të të falë. Ai të fal që herën e parë që kërkon falje, por varet nga ty nëse e merr këtë falje. Sot hape zemrën dhe prano mëshirën e Tij. Lejo Atë të derdhë mbi ty paqen dhe gëzimin e Tij. Pastaj tregoja këtë mëshirë të tjerëve. Kujto, ti je përfaqësues i Perëndisë në tokë. Ndërsa u tregon dashurinë dhe karakterin e Tij të tjerëve, Ai do të derdhë mbi ty bekimin e Tij dhe do të të përdorë në mënyra që kurrë nuk i ëndërrove.

UNE JAM SHUME I BEKUAR, s’kam pse stresohem!

"Unë kam pritur me durim Zotin për të më ndihmuar, dhe ai u kthye nga unë dhe dëgjoi britmën time. Ai më nxori nga gropa e dëshpërimit ... Ai i vendosi këmbët e mia në tokë të fortë ... Më ka dhënë një këngë të re për të kënduar ... ". Psalmi 40:1-3

A ke ndjerë ndonjëherë sikur ke qenë në një gropë dëshpërimi? Ashtu si Perëndia nxori Davidin, Ai do të të nxjerrë edhe ty. Aty ku je tani, nuk është gjendja ku do të qëndrosh. Para teje ke ditë më të ndritshme të mbushura me hir, përparim dhe rritje. Ndërsa ecën me drejtësi para Tij, Ai nuk do të privojë asnjë të mirë prej teje.

Vini re që Perëndia na jep një këngë të re. Ne duhet të bëjmë pjesën tonë për të kënduar këtë këngë. Kjo do të thotë që ti nuk vjen vërdallë duke folur për problemet e tua, sa keq janë gjërat, apo si ti nuk do t’ia dalësh kurrë mbanë. JO, ti ke këngën e fitores! Nëse dikush të pyet si po kalon, qëndrimi yt duhet të jetë: “UNE JAM SHUME I BEKUAR, s’kam pse stresohem! Unë po eci përpara në fuqi dhe forcë”.

Kujto, lavdërimi paraprin fitoren, dhe Bibla na thotë se Zoti fronëzohet mbi lavdërimet tona. Ndërsa ti e madhëron dhe e lartëson Atë, Ai do të të nxjerrë prej dëshpërimit tënd.

Ti je kryevepër e vetë Perëndisë!

"Jemi kryevepra e tij, e krijuar në Krishtin Jisu për vepra të mira që Perëndia përgatiti që më parë, që të ecim në to". Ef.2:10

Ti je kryevepër e vetë Perëndisë! Kjo do të thotë që nuk je i rëndomtë ose i nivelit të mesëm; je unik, s’ka tjetër si ty. Kur Perëndia të krijoi, Ai shpezoi kohë që të të bëjë ty ashtu si Ai dëshironte të ishe. Ai të dha personalitetin e duhur, dhuratat e duhura, telentet e duhura, dhe lidhjet e duhura për të bërë pikërisht atë për të cilën Ai të ka thirrur.
Çështja është: A e di ti çfarë thesari zotëron?

Sot, mos zgjidh të jetosh një jetë mesatare. Hapi thesaret e fshehura brenda teje. Çdo mëngjes kur ngrihesh nga gjumi, thuaji vetes: Unë jam një kryevepër! Unë jam i zgjedhur nga Zoti, dhe unë jam një person me vlera dhe rëndësi të jashtëzakonshme!

Kujto, ti je unik – kjo do të thotë që nuk duhet të bëhesh si gjithë të tjerët; Perëndia të formoi në atë mënyrë për një qëllim të caktuar. Çdo gjë në ty është unike, dhe çdo detaj yti ka rëndësi.

Premtimi Yt më jep jetë

Premtimi Yt më jep jetë

Ndonëse fiku nuk do të lulëzojë dhe nuk do të ketë asnjë fryt te hardhitë… .
Unë do të ngazëllohem te Zoti
dhe do të gëzohem te Perëndia i shpëtimit tim. Habakuku 3:17-18

Të gjithë kemi ëndrra dhe qëllime të cilat Perëndia i ka vendosur ne zemrën tonë, gjëra për të cilat besojmë, rrethana për të cilat po lutemi të ndryshojnë. Këto premtime mbillen si farat. Ato nuk realozohen brenda natës. Gjithmonë nevojitet një kohë pritjeje. Periudha që nga momenti kur fillojmë të lutemi deri në momentin kur shohim të realizohet quhet prova e besimit tonë.
Në këtë periudhë shumë njerëz dekurajohen dhe heqin dorë. Ata fillojnë të besojnë mendimet negative: “S’ka për të ndodhur kurrë. Ka kaluar shumë kohë”.
Tashmë ajo farë qëndron aty, e përgjumur, por ende e gjallë. Ajo e ka potencialin ende.
Ti duhet të bësh pjesën tënde dhe të fillosh ta vaditësh farën.
Mënyra se si vadit është duke falënderuar paraprakisht Perëndinë dhe duke shpallur Fjalën e tij.
Mo prit derisa të marrësh premtimin. Ti duhet ta falënderosh Perëndinë për përgjigjen që po dërgon.
Sot, s’ka rëndësi me çfarë po përballesh, dije që Perëndia është më i madh se të gjitha. Ai e ka përgjigjen dhe po punon në fshehtësi për të mirën tënde. Gjatë gjithë ditës thuaj: “Atë, të falënderoj se çdo gjë që prek lulëzon dhe shkon mbarë. Të falënderoj që hiri Yt më rrethon si strehë”.
Falënderoje Perëndinë papaprakisht,

A mendon që ëndrrat e tua janë shumë më të mëdha sesa Perëndia mund të realizojë?

A mendon që ëndrrat e tua janë shumë më të mëdha sesa Perëndia mund të realizojë?
A mendon që një lidhje ka shkuar aq keq sa dhe Zoti nuk mund ta rregullojë?
A mendon se duhet të jetosh me sëmundje pjesën e mbetur të jetës sate?
“Ah, Zot, Zot! Ja ti e sajove qiellin dhe tokën me fuqinë tënde të madhe dhe me krahun tënd të shtrirë. NUK KA ASGJE TEPER TE VESHTIRE PER TY!” Jer. 32:17
Ki një vision të ri, sot, sepse nuk ka asgjë të vështirë për Perëndinë! Perëndia sot të thotë: “Unë jam i plotfuqishëm. Unë mund ta ndryshoj tërësisht situatën”. Pavarësisht si duken gjërat në mënyrë të natyrshme, ne i shërbejmë një Perëndie të mbinatyrshëm. Mund ta themi ndryshe vargun e sotëm:”A ka gjë tepër të mrekullueshme për Zotin?”
Herën tjetër kur të mendosh: “Kjo është mrekullueshme, nuk besoj të realizohet”, kujto, Perëndia dëshiron të të bekojë përtej ëndrrave të tua të paarritshme. Hiq kufijtë dhe beso që Ai ka përgatitur gjëra të mrekullueshme për ty!

Eja tek Unë me dëshirë për të mësuar, i gatshëm për të ndryshuar.

Eja tek Unë me dëshirë për të mësuar, i gatshëm për të ndryshuar. 
Të ecësh me Mua është jetë e ripërtëritjes së vazhdueshme. 
Ndërsa je futur në Vitin e Ri mos qëndro në rrugët e vjetra. 
Përkundrazi, kërko Fytyrën Time me mendje të hapur, duke ditur që udhëtimi yt me Mua nënkupton transformim nëpërmjet ripërtëritjes së mendjes sate, siç e thekson edhe Shkrimi i Shenjtë: “Dhe mos u konformoni me këtë botë, por transformohuni me anë të ripërtëritjes së mendjes suaj, që të provoni cili është i miri, i pëlqyeri dhe i përsosuri vullnet i Perëndisë”. Rom. 12.2
 
Ndërsa ti i përqendron tek Unë mendimet e tua, dije që Unë jam tërësisht i kujdesshëm ndaj teje. Unë të vështroj vazhdimisht dhe kudo, sepse spektri i përkujdesjes Sime është i pakufishëm. Unë të njoh dhe të kuptoj plotësisht; mendoj për ty me dashuri të përjetshme.

Perëndia ka plan të mrekullueshëm për jetën tënde. Ai drejton hapat e tu.

Perëndia ka plan të mrekullueshëm për jetën tënde. Ai drejton hapat e tu.
Sot mëso që në ditët dhe javët në vazhdim, Perëndia do të derdhë mbi ty bekimet e Tij të shumëllojshme – bekime që kurrë nuk i ke parë më parë! Çelësi për këto bekime është të qëndrosh i lidhur me Të. Qëndro në komunikim me Të nëpërmjet lutjes, adhurimit dhe leximit të Shkrimit të Shenjtë. Lejo Atë të drejtojë hapat e tu, të ndërtojë dhe të formojë karakterin tënd. Ndërsa ti i jep Atij veten tënde, Ai do të të japë Veten e Tij! Në çdo aspekt të jetës sate Ai do të të japë hirin e Tij, mëshirën dhe bekimin mbinatyror, të pamerituar, të pafituar dhe të pashpjeguar. Amin.

Hiqe etiketën që të largon nga bekimi i Zotit

Hiqe etiketën që të largon nga bekimi i Zotit

Kur ti bën ndonjë gabim, për fat të keq, kritikuesit dhe dashakeqët shfaqen dalin menjëherë nga strofat e tyre. Njerëzit do të të thonë: "Ti je i dështuar. Tani është shumë vonë”.

Nëse ti e pranon këtë etiketë, kjo do të të largojë nga e ardhmja e mrekullueshme që Perëndia ka përgatitur për ty.
Zoti thotë: "Mëshira ime është më e madhe se çdo gabim";
"Unë ende mund të të çoj te qëllimi yt";
"Unë do të të jap bukuri në vend të hirit”;
“Unë do të paguaj dyfish për çdo padrejtësi që të ka ndodhur”.
Ti nuk do të ishe gjallë, nëse Perëndia nuk do të kishte një triumf tjetër për të ardhmen tënde.

Pse nuk e heq etiketën: “I dështuar”? Hiqi etiketat: “I pavlerë”, “fajtor”, i dënuar” dhe vendos disa etiketa te reja: I çmuar, i shpërblyer, i ripërtërirë, i falur, e ardhme e ndritshme, fillim i ri.

Perëndia të do më shumë se çdokush tjetër. ASGJE nuk e ndryshon këtë të vërtetë. Ajo të ndryshon ty.

Perëndia të do më shumë se çdokush tjetër. 
ASGJE nuk e ndryshon këtë të vërtetë. Ajo të ndryshon ty.

Është e natyrshme që kur i kemi bërë padrejtësi dikujt, ndonjëherë është më e lehtë t’u shmangemi atyre sesa të përballemi me gjendjen e sikletshme apo refuzimin e mundshëm. Nuk është për t'u habitur që njerëzit nganjëherë kanë pikërisht të njëjtin qëndrim edhe ndaj Perëndisë.

A keni dëgjuar ndonjëherë dikë të thotë: "Nëse shkoj në kishë, muret do të më mbulojnë”? Ata mendojnë se duhet të qëndrojnë larg për shkak të asaj që kanë bërë. Por asgjë nuk mund t’i largohet të vërtetës! Perëndia nuk është i zemëruar me ty; Ai është çmendurisht në dashuri me ty! Ai po të pret me krahëhapur. S’ka rëndësi kush je ose çfarë ke bërë; dije që mirësia e Tij është ajo që të tërheq drejt Tij.

"Para se Unë të të formoja në barkun e nënës, të kam njohur ... ". Jeremia 1:5

"Para se Unë të të formoja në barkun e nënës, të kam njohur ... ". Jeremia 1:5
Çfarë mendim i mrekullueshëm: Zoti të njihte që para se të kishe lindur! Ai pa substancë tënde të paformuar dhe tha: "Unë kam një qëllim për këtë qenie. Kam plane të mira për të”!
Pastaj Ai fryu jetën e Tij në ty dhe të solli në këtë botë nëpërmjet nënës dhe babait tënd. Ata mund të kenë pasur probleme, por kjo nuk duhet të të ndalonte ty të bëheshe ajo që Perëdnia kishte qëllim për ty. Ti je zgjedhur me kujdes nga Zoti i Plotfuqishëm, që të jesh këtu në këtë kohë të historisë!
Ndonjëherë dëgjojmë prindërit të thonë: "Nuk e pritëm këtë fëmijë. U habitëm. Ishte rastësi ".
Jo, ky fëmijë ndoshta ka qenë një e papritur për ju, por jo për Perëndinë e Plotfuqishëm.
Asnjë fëmijë nuk mund të vijë në jetë nëse Perëndia nuk fryn jetën e Tij në të. Ti mund të mendosh: "Unë isha e padëshiruar. Unë erdha nga në shtatzani e papritur”. Jo , ti nuk do të ishte aty, nëse Perëndia nuk do të kishte dhënë jetë.

Perëndia vendos DHURATAT në raport me VESHTIRESITE

“Nëse shpirti është i dobët dhe nuk ka fuqi të mjaftueshme për vështirësi të mëdha dhe lutet që të ruhet prej tyre, dhe Perëndia e dëgjon,
atëherë dijeni me siguri se po aq sa i mungon fuqia shpirtit për vështirësitë e mëdha, po aq i papërshtatshëm është edhe për dhurata të mëdha; dhe po aq sa vështirësitë janë të ndaluara t’i afrohen atij, po aq janë të ndaluara edhe dhuratat e mëdha.

Sepse Perëndia nuk të dhuron një dhuratë të madhe,
pa një vështirësi të madhe.
Në urtësinë e Tij të pakuptueshme nga krijesat njerëzore,

Ec me Zotin!

Ec me Zotin!
Mund të kesh disa kodra të thepisura për të ngjitur, ose disa herë rruga nuk do të jetë e sigurt dhe ti nuk do të dish kë drejtim të zgjedhësh ... ose raste kur do të ndihesh sikur je në buzë të greminës, ose në rrugë me shumë kthesa.
Ndërsa ti ecën në të përpjetat dhe tatëpjetat e jetës, mund të përjetosh praninë e Perëndisë në çdo tunel, në çdo kodër të thepisur, në çdo kthesë. Mund ta përjetosh Atë në majën e bukur të malit dhe në stuhitë tronditëse të jetës.
Zoti do të ecë me ty poshtë nëpër lugina dhe lart nëpër male; do të të marrë prej dorë dhe do të të drejtojë për te drita; do të vendosë një gardh rreth teje që të të ruajë; do të të ndihmojë të gjesh gëzim dhe kënaqësi në udhëtimin me slita dhe të mrekullohesh me madhëtinë që Ai ka përgatitur përgjatë rrugës.
Ndalo dhe shijo aromën e luleve, dhe admiro punën e duarve të Tij gjatë hekurudhës së jetës.
Kujto gjithmonë që jeta është udhëtim që na çon në destinacionin qiellor.
Pra, udhëtim të mbarë!
Dashuria e Tij le të derdhet mbi ty, le të të mbushë, dhe të vërshojë në lavdërim për Të, për gjithçka që Ai ka bërë, bën dhe do të bëjë.

Ai shëron ata që e kanë zemrën të thyer dhe lidh plagët e tyre

Ai shëron ata që e kanë zemrën të thyer dhe lidh plagët e tyre. Psalmi 147:3
Sa gëzim që Perëndia është shërues! Nuk ka rëndësi çfarë është "e sëmurë" në jetën tënde sot, Zoti sjell shërim të plotë. A ke nevojë për shërim trupi? Për shërim mendjeje? Zemre? Ekonomie? Lidhjeje? Perëndia është shëruesi yt.

Vër re çfarë thotë Psalmisti në këtë varg: Ai lidh plagët e tyre.
Është normale që nëse ke thyer krahun, ai nuk shërohet brenda natës. Mjeku përgatit një kallëp që ta mbajë dhe ta mbrojë atë. Ai të lidh plagën. Perëndia bën të njëjtën gjë në fushën shpirtërore. Ai vendos Veten rreth plagës sate dhe ruan zonën e plagosur derisa të bëhet e fortë për të funksionuar përsëri si duhet.
Bibla thotë edhe që Ai është restaurues. Kjo do të thotë që kur Ai bën një punë shërimi në jetën tonë, Ai na bën më mirë seç ishim më parë.

Nëse sot po kalon nëpër procesin e shërimit, kujto: mund të kërkojë më shumë kohë sesa e kishe planifikuar, por Perëndia po lidh plagën tënde.

Me Perëndinë, gjithçka është e mundur!

A po përballesh sot me diçka që duket e pamundur?
Për njeriun mund të jetë e pamundur, por për Perëndinë TE GJITHA gjërat janë të mundura. Nëse kupton që je në një situatë të pamundur, afrohu te Perëndia, bëhu "me Perëndinë"!

Ndonjëherë është kaq e lehtë të përqendrohemi te problemet dhe të përpiqemi t’i zgjidhim me forcat tona . Por mos harro, beteja i përket Zotit. Ai ka përgatitur fitoren tënde. Ai ka plan rrugëdaleje për ty. Ai po i bën të mundura gjërat që duken të pamundura. Ki besim tek Ai sot. Shkrimi i Shenjtë thotë që Ai punon për të mirën tënde, jo për të keqen, që të të japë jetë me bollëk dhe shpresë.

Sot filloje ditën dukë thënë: "Unë jam me Perëndinë dhe me Perëndinë GJITHÇKA është e mundur!"
A ke shumë fatura për të paguar? Me Perëndinë, gjithçka është e mundur!
A kanë nevojë për shërim lidhjet e tua? Me Perëndinë, gjithçka është e mundur!

Kur Krishti hyn në zemër, jeta jote ndryshon!

Kur Krishti hyn në zemër, jeta jote ndryshon!

Kur ti ke Krishtin, je i kënaqur, nuk dëshirom më asgjë tjetër, ke paqe. Ti bëhesh tjetër person. Mund të jetosh kudo, kudo ku është Krishti. Jeton me yjet, në pafundësi, në qiej me engjëjt, me shenjtorët, në tokë me njerëzit, me bimët, me kafshët, me çdokënd dhe çdo gjë. Ku ka dashuri për Krishtin, vetmia zhduket. Ti bëhesh paqedashës, i gëzuar, i përmbushur. Pa mërzitje, pa sëmundje, pa presion, pa ankth, pa dëshpërim, pa ferr.
Krishti është në çdo mendim tëndin, në çdo veprim tëndin. Ke hir dhe mund të durosh çdo gjë për Krishtin. Mund të durosh edhe padrejtësisht. Mund të durosh padrejtësitë për Krishtin.
A e zgjodhe Krishtin për t’iu shmangur vuajtjes? Çfarë thotë shën Pavli? - Unë gëzohem në vuajtje.
Ky është besimi ynë: që shpirti ynë të zgjohet dhe të dojë Krishtin, dhe të bëhet i shenjtë, e të dorëzohet te dashuria hyjnore. Kështu edhe Ai do ta dojë shpirtin tonë.

Kur Krishti hyn në zemër, jeta jote ndryshon!

Kur Krishti hyn në zemër, jeta jote ndryshon!

Kur Krishti hyn në zemrën tënde, pasionet zhduken. Nuk mund të betohesh, të urresh, të kërkosh hakmarrje ose të tjera si këto. Si mund të ketë urrejtje, mospëlqime, kritika, egoizma, ankthe, mërzitje? Ajo që mbizotëron është Krishti – dhe dëshira për dritën e paperënduar. Kjo dëshirë të bën të ndiesh që vdekja është një urë që do ta kalosh në një moment të caktuar, për të vazhduar jetën me Krishtin.

Këtu në tokë kemi një pengesë ndaj na nevojitet besimi. Kjo pengesë është trupi. Megjithatë, pas vdekjes besimi shfuqizohet dhe ne e shikojmë Krishtin ashtu si shikojmë diellin. Sigurisht që në përjetësi do të përjetojmë çdo gjë më intensivisht. Kur jeton pa Krishtin, ti jeton i zhytur në mërzitje, dhimbje, ankth dhe shqetësim. Nuk jeton si duhet. Atëherë shumë çrregullime shfaqen në trupin tënd…Pastaj të thonë: “Që të shërohesh, duhet të hash mirë në mëngjes, qumësht, vezë, gjalpë, dhe tostë (bukë të thekur)”. Por nëse jeton si duhet, nëse do Krishtin, ti je mirë edhe me një portokall ose një mollë.