Sigurohu pastaj fol

Sigurohu pastaj fol

Nje vajzë po priste aeroplanin në një aeroport të madh. Meqënëse i duhej të priste gjatë, vendosi që të blinte një libër që të kalonte kohën. Bleu librin dhe një kuti me biskota. U ul në vendin ku rrinin zakonisht persona të rëndësishëm në mënyrë që askush të mos e pengonte. Afër saj ishte karrigia me biskota dhe një karrige më tej një person tjetër i cili lexonte gazetën. Kur ajo filloi të merrte biskota, edhe zotëria nga karrigia tjetër mori një. Ajo u habit pa masë, por nuk tha asgjë vetëm vazhdoi të lexonte librin. Me vete po mendonte - Sikur të kisha pak guxim, deri më tani do ta grushtoja. Secilën herë që ajo merrte nga një biskotë, këtë e bënte edhe zotëria pa u mërzitur fare. Vazhduan kështu deri sa në kuti mbeti vetëm një biskotë e vetme dhe vajza mendoi: Më intereson të di se çfarë do të bëjë ai tani!!! Zotëria e mori biskotën e fundit dhe e ndau në dy pjesë.

"Kjo me të vërtetë është e tepërt, filloi të mendojë më nervoze vajza, mori sendet e veta, librin, çantën dhe shkoi drejt daljes së vendit ku priste. Kur u ndje më mirë, pasi kaloi nervozën, u ul në një vend ku nuk ishte askush që të mos kishte më asnjë ndodhi të tillë të papritur. E mbylli librin dhe hapi çantën që ta fuste brenda, dhe në momentin kur shikoi brenda, pa një kuti me biskota të pa hapur fare. U turpërua sikur të ishte një hajneshë dhe atëhere e kuptoi se kutia me biskota kishte qënë e zotërisë që kishte qenë ulur në karrigen pranë të sajës, por i cili pa asnjë shqetësim, apo brengë e ndau edhe biskotën e fundit me të, krejtësisht ndryshe nga ajo, që ndihej e lënduar në krenarinë personale dhe ndjenjat e veta.

Sa herë në jetën tonë ne kemi ngrënë dhe do të hamë biskotën e huaj, dhe këtë nuk e kemi ditur dhe nuk do ta dimë kurrë? Para se të vijmë në ndonjë përfundim të shpejtë dhe para se të fillojmë të mendojmë keq, shikoni me kujdes detajet, shpesh here situatat nuk janë të atilla siç na duken neve në shikimin e parë!!!

Në jetë ekzistojnë 5 gjëra të cilat nuk mund të kthehen:

Guri që është hedhur

Fjala që është thënë

Mundësia e humbur

Koha që ka kaluar

Dashuria për të cilën nuk luftohet.

Njëherë dikush ka thënë: Puno sikur nuk do të kesh kurrë nevojë për para.

Dashuro, sikur të mos kesh vuajtur kurrë nga dashuria

Vallëzo sikur mos të jetë askush afër të të vështrojë.

Këndo sikur të mos jetë askush andej të të dëgjojë.

Jeto, sikur të jetë parajsa në tokë.