Gjërat nuk janë gjithmonë ashtu si duken

Gjërat nuk janë gjithmonë ashtu si duken

Dy engjëj udhëtues qëndruan të kalonin natën në një familje të pasur. Familja nuk ishte mikpritëse dhe nuk pranoi që engjëjt të kalonin natën në dhomën e të ftuarve. Ata i vendosën engjëjt në një vend të ftohtë në bodrum. Ndërsa ata po shtronin rrobat në dysheme për të fjetur engjëlli më i madh pa një vrimë në mur dhe e zuri atë. Kur engjëlli më i vogël e pyeti  pse e bërë këtë, engjëlli më i madh iu përgjigj:

“Gjërat nuk janë gjithmonë ashtu si duken”.

Ditën tjetër këta dy engjëj shkuan të pushonin në një familje të varfër fermerësh të cilët ishin shumë mikpritës. Pasi ndanë së bashku atë pak ushqim që patën, burri dhe gruaja lejuan engjëjt të flinin në krevatin e tyre që të ishin më rehat. Kur zbardhi dita mëngjesin tjetër engjëjt gjetën burrin edhe gruan duke qarë. Lopa e tyre e vetme, e cila ishte e vetmja e ardhur e familjes kishte ngordhur në fushë.
Engjëlli më i ri u mërzit dhe pyeti engjëllin e madh: Pse lejove të ndodhte kjo gjë?

Familja e parë kishte gjithçka dhe ti e ndihmove atë, - e akuzoi ai engjëllin e madh. Kjo familje kishte shumë pak, ishte e gatshme të ndante gjithçka kishte, ndërsa ti lejove që mbi të, të ndodhë kjo fatkeqësi.

“Gjërat nuk janë gjithmonë ashtu si duken” - iu përgjigj engjëlli i madh.

Kur qëndruam në bodrumin e shtëpisë pashë që kishte flori në vrimën që ishte në mur. Meqë i zoti i shtëpisë ishte lakmitar dhe nuk ishte i gatshëm të ndante më të tjerët, e zura vrimën që ai të mos gjejë floririn.

Natën tjetër, ndërsa po flinim në krevatin e fermerëve, engjëlli i vdekjes erdhi për të marrë gruan e tij. Unë i dhashë atij lopën në vend të gruas.

“Gjërat nuk janë gjithmonë ashtu si duken”.

Ndonjëherë kjo është pikërisht ajo që ndodh me ne kur gjërat nuk shkojnë sipas mënyrës që duhet. Nëse ti ke besim, ke nevojë vetëm të besosh që çdo gjë që ndodh është për më të mirën tënde. Megjithatë ti nuk do ta kuptosh atë derisa të kalojë pak kohë...