A dëshiron të kesh më shumë besim?

Besimi pra është prej dëgjimi;
dhe dëgjimi me anë të fjalës së Perëndisë.
Romakët 10:17 

A dëshiron të kesh më shumë besim?
Shkrimi i shenjtë na thotë që besimi rritet dhe shtohet.
Vër re që vargu i sotëm nuk thotë:” Besimi vjen ngaqë dëgjove një herë Fjalën e Perëndisë”.
Ai thotë që besimi vjen ngaqë dëgjon – në kohën e tashme.
Duhet ta dëgjojmë Fjalën e Perëndisë herë pas herë, që ajo të rrënjoset në zemrën tonë dhe të transformojë mendjen tonë.
Sigurisht, Fjala e Perëndisë ka fuqi të transformojë menjëherë, por në shumicën e rasteve, besimi ynë rritet ndërsa dëgjojmë Fjalën e Perëndisë vazhdimisht.


Pikërisht, ashtu si fara ka nevojë çdo ditë për ujë që të rritet,
kështu edhe shpirti yt ka nevojë për Fjalën e Perëndisë çdo ditë.
Sa më shumë e dëgjon Fjalën e Perëndisë,
aq më shumë e njeh Atë.
Sa më shumë e njeh Atë,
më shumë do t’i besosh Atij – dhe ky është besimi!
Po sikur të zgjedhësh sot disa vargje nga Shkrimi i Shenjtë dhe të meditosh mbi to? Shkruaji në një fletë dhe vendosi në çantën ose në portofolin tënd.
Lejo që kjo e vertetë të zhytet në shpirtin tënd.
Lejo të vërtetën e Fjalës së Perëndisë të të transformojë dhe të të nxitë në jetën me bollëk që Perëndia ka përgatitur për ty. Amin.