Ava Makar Egjiptiani

Thonin për Ava Makar Egjiptianin se po ngjitej dikur nga kasollja për në malin Nikita. Dhe pasi iu afrua vendit, i thotë nxënësit të tij: “Ec pak para”. Nxënësi i tij tek po ecte, takon një prift të idhujtarëve dhe i thërret me zë të lartë: “Hej, demon, për ku po vrapon?” Atëherë prifti idhujtar i kthehet nxënësit, e qëllon dhe e lë gjysëm të vdekur. Dhe duke ngritur shkopin e tij vraponte. Si eci pak duke rendur e takon ava Makarion i cili i thotë: “Makar të shpëtosh! Makar të shpëtosh, o i vuajtur”. Duke u mrekulluar idhujtari shkon tek Ava Makarios dhe i thotë: “Ç’të mirë pe tek unë që më fole”? Plaku i përgjigjet: “E bëra se të pashë të lodhur dhe se nuk e di që kot mundohesh”. Idhujtari i thotë: “Edhe unë nga përshëndetja jote ndjeva ngacmim në zëmër dhe kuptova se je njeri i Perëndisë. Ndërsa një murg tjetër i keq që më takoi më shau dhe unë atëherë e godita duke e lënë gjysëm të vdekur”. Avai e kuptoi se e kishte fjalën për nxënësin e tij, ndërsa prifti idhujtar, duke përqafuar këmbët e Ava Makari i thoshte: “Nuk të lëshoj po nuk më bëre edhe mua murg”. Dhe shkuan më lartë ku ishte nxënësi dhe e ngritën në duar dhe e çuan në Kishën e malit dhe kur aty panë ava Makariosin me priftin idhujtar, të gjithë u çuditën. Ai u bë murg dhe shumë nga idhujtarët e tjerë u bënë të krishterë për shkak të tij. Dhe ava Makari thoshte: “Fjala e keqe edhe të mirin e bën të lig, kurse fjala e mirë edhe të ligun e bën të mirë”.