Ati im është Perëndia

Një princeshë e re shëtiste e vetme në kopështin e babait të saj. Në një çast iu afrua një kopshtar i ri që nuk e njihte dhe e pyeti: “Cila je ti”? Ajo me thjeshtësi dhe ëmbëlsi iu përgjigj: “Unë s’jam asgjë, por babai im është mbreti”.

Ashtu edhe çdo i krishterë duhet të thotë: “Unë s’jam asgjë, por Ati im është Perëndia”. Nga Perëndia, pra, marrim lavdinë dhe madhështinë tonë. Sa më shumë njohim Perëndinë si shkakun parësor të çdo mirësie, aq më e madhe është lavdia jonë.