Ndoshta ti ndihesh më i dashur kur vepron sipas dëshirës sate. Por Dashuria Ime për ty është e përsosur; pra nuk është subjekt i luhatjeve të tua. Ajo që ndryshon është të ndërgjegjësuarit tënd për Praninë e Dashurisë Sime.
“Dhe ne kemi njohur dhe kemi besuar dashurinë që Perëndia ka ndaj nesh. Perëndia është dashuri; dhe ai që qëndron në dashuri qëndron në Perëndinë dhe Perëndia në të. …
Në dashuri nuk ka frikë, madje dashuria e përsosur e largon frikën, sepse frika ka të bëjë me ndëshkimin dhe ai që ka frikë nuk është i përsosur në dashuri”. 1 Jn. 4:16,18
Kur je i pakënaqur me sjelljen tënde, ti priresh të ndihesh i padenjë për Dashurinë Time. Ndoshta në mënyrë të pandërgjegjshme ti e ndëshkon veten duke u larguar prej Meje dhe duke thënë që jam larguar nga Zoti, se Ai është i pakënaqur me mua. Kështu, distancën mes nesh, ti ia ngjit pakënaqësisë Sime.
Në vend që të kthehesh tek Unë dhe të marrësh Dashurinë Time, ti orvatesh të fitosh miratimin Tim duke u munduar më keq. Gjatë gjithë kohës, Unë përpiqem që të të mbaj në krahët e mi të përjetshëm dhe të të mbështjell me Dashurinë Time.
“Perëndia i kohëve të lashta është streha jote dhe poshtë teje ndodhen krahët e tij të përjetshëm…”. Ligj.përt.33:27
Nëse ndihesh i padashur dhe pavlerë, eja tek Unë dhe kërko të pranohesh te Dashuria Ime e Vërtetë.
“Por unë kam besim në mirësinë tënde dhe zemra ime do të ngazëllojë në çlirimin tënd”. Ps. 13:5
