Le të derdhet dashuria JoteNe jemi të mjeruar, Perëndia im. Me duart tona jemi përpjekur ta fshijmë dashurinë nga planeti ynë.
Shiko, o Zot, sa shumë e kemi venitur dashurinë. Dhe si përfundim, arritëm të vendosim egoizmin dhe lakminë si rregullator të marrëdhënieve tona.
Sytë tanë tregojnë ftohtësinë e çelikut, kur nuk ndizen nga lakmia dhe kur nuk flakërohen nga të papërmbajturit.
Jisu, o Dashuri pa kufi, ki mëshirë për ne. Nënyra si po jetojmë na mbyt, na merr frymën.
Ki mëshirën për ne, o Dashuri përtej çdo dëshire. Ne jemi të rinj dhe sapo e kemi filluar jetën. Nuk mund të jetojnë dot pa dashuri. Bota jonë është e çuditërisht e huaj për ne, pavarësisht sa shumë mund të na magjepsë.
Si të ecim përpara?
A duhet të jetojmë me anë të metodave të shpikura të asgjësimit? A duhet të vdesim në garën kriminele dhe të paligjshme të tradhtisë dhe vjedhjes?
Le të derdhet dashuria Jote, Krisht, dhe të pastrojë komunitetet tona prej njollës së urrejtjes dhe vaditi shpitrat tanë të izoluar dhe hermetik.
Le të vijë dashuria Jote, le të drejtojë kudo dashuria Jote.
Me padurim po presim flladin e dashurisë Sate të ëmbël, që t’i bëjë burim jete mushkëritë tona të vyshkura.
Le të bëhet dashuria Ligji dhe Statuti i Kushtetutës së jetës sonë, klima jonë e brendshme, atmosfera midis gjithë njerëzve.
Dërgo dashuri, o Perëndi, në familje, qytete, fshatra dhe kombe.
Nxitna në konkurs botëror për dashuri.
Shkrije akullin që rrethon zemrat tona.
Në universite, në dyqane, në makina, në fabrika, në fushë, në vila, dhe pallate, themelo vatra dashurie dhe drejtoji në dashuri.
O Perëndi, krijo një popull të ri të gatuar me dashuri.
O Zot, transformoje botën tonë në botë dashurie. Amin.
