Shën Maria e Jerusalemit (Ierosolimitisa)

Ikona e shenjtë mrekullibërëse e së Terëshenjtës Mari të Jeruzalemit ose Ierosolimitisa është pikturuar mrrekullisht në shekullin e 19, në vitin 1870 dhe ka këtë histori. Në atë kohë në Malin e Ullinjve, në  manastirin rus të miroprusëses Maria Magdalena ekzistonte një murgeshë ikonografe me emrin Tatiana.
Ndërkohe që flinte, Tatiana pa një vegim; pa që e vizitoi në qelinë e saj një murgeshë e re e panjohur e cila i tha: ''Motër Tatiana, erdha të meë pikturosh. Tatiana iu përgjigj: ''Më fal, motër, por unë jam ikonografe,  jo piktore. Vizitorja  i thotë: ''Atëherë me bëj ikonë". Tatiana u çudit me guximin e së huajës dhe iu përgjigj: "Nuk kam dërrasë që të pikturoj''.

Atëherë murgesha vizitore i jep në dërrasë ikonografie dhe i thotë: ''Pikturo''!
Ndërkohë që Tatiana pikturonte murgeshën, pa që veshja e saj po bëhej e artë, fytyra e saj nisi të ndriçonte gjithmonë e më  shumë, dhe e dëgjon t'i thotë ''O e lumur Tatiana, që pas Ungjillorit Luka do më bësh ikonë përsëri ti''.


Atëherë Tatiana e kuptoi që po bënte ikonë Hyjlindësen. U zgjua e tronditur dhe menjëherë shkoi te igumenia (drejtuesja e manastirit) dhe i tregoni për vegimin, por ajo nuk e besoi dhe i tha të shkonte të flinte dhe të nesërmen të bënte një ikonë të Hyjlindëses.



Ndërkohë që Tatiana  kthehej, ndieu  që nga qelia e saj po vinte erë miro. Menjëherë njoftoi igumenen dhe kur hyjnë bashkë në qelinë e ndritshme dhe erëmire, ku panë dhe mrekullinë e madhe.

Ikona e vegimit gjendej në qeli, e vërtetë, e pabërë nga dora e njeriut.
Pas të gjitha këtyre Hyjlindesja iu shfaq sërish  murgeshës dhe i tha: ''Më zbrisni  poshtë në shtëpinë time, në Gjethsimani''. Dhe ato vepruan sipas fjalës së saj.
Që në atë kohë ikona e pabërë nga dora e njeriut e Shën Marisë së  Jerusalemit gjendet ne Gjethsimani dhe bën vazhdimisht  mbrekullira.