Gjithë gjeneratat, po të lumërojnë, Hyjlindëse e vetme!

I lavdëruar dhe i gëzuar, plot me shkëlqim kujtimi yt, Mari Hyjlindëse, thirri çdo besnik këtu për të dëfryer shpirtërisht; ti në krye dhe ne pas, me valle dhe me timpanë, dhe me këngë për Birin Jisu, se nder edhe lavdi fitoj.

O Perëndi dhe Krijetar që përmban, gjithësinë pa fund, me mendje dhe me fuqi, Ti përmbaje si gjithnjë, të patronditur Kishën ton’ o Krisht, se Ti vetëm je, Shenjt i Shenjtorëve Perëndi dhe Zot.

Fjalët edhe enigmat e profetëve, e shpallnë mishërimin Tënd, prej Virgjëreshës o Krisht, dritë vetëtime, përpara gjithë kombeve, prandaj thërret me gaz avusha: Njeridashës i fortë lavdi më Ty.


Virtytet e tua qellore, do t’i tregoj nëpër botën o Zoti Krisht, se me lavdi prej lavdie të përjetëshme, ndrite shkëlqeve nga qielli për njerëzit, i mishëruar virgjërisht, na u shfaqe si njeri, dhe përmbi dhenë linde si dielli.

Shën Jonaj që u gëlltit, prej balenës për çudi, dhe qëndroj tri dit’ në mushkërit’ e asaj, na paratregoj varrimin tënd o Shpëtimtar; se shpëtoj me urdhër Perëndie, dhe i pangarë thërriste: Lavdërime si therore do të sjell o Zot.



Kundër zjarrit burrërisht, qëndroj mall’ i perëndishmë i tre djemve, dhe tirani u përqesh me një vesë prej qellit, dhe të frymëzuar të tre djemat, në mes të flakës këndonin me organe muzikale: Zot i lavdëruar dhe i bekuar je, përherë dhe përjetë.


Himnojmë, bekojmë dhe i falemi Zotit

Flakë vesonjëse për djemat, dhe për besëliqtë djegëse, ëngjëlli i Zotit u tregoj besnikëve, dhe Virgjëreshën e bëri, burim kryesor të jetës, për të gjithë këndonjësit: Vetëm Krijetarin e himnojmë pa pushuar, dhe e lartësojmë përherë dhe përjetë.

Gjithë gjeneratat, po të lumërojnë, Hyjlindëse e vetme.

U mundnë gjithë ligjet e natyrës, prej teje o Hyjlindëse; se një lindje virgjërore, dhe një vdekje me jetë po na tregon. O Virgjëreshë pas lindjes edhe e gjallë pas vdekjes, ti e shpëto, trashëgimin tënd o Hyjlindëse.

Engjëjtë, kur panë Virgjëreshën, të fjetur po çuditeshin, si fluturonte prej dheut dhe po ngjitej përpjetë.


Gjithë njerëzit, kërceni me ngazëllim tek drit’ e Shpirtit Shenjt, eni lavdërojeni, ëngjëjt’ e qellit eni kremtojeni, këtë të shenjtë panair të Kryezonjës Mari, dhe thërrisni: Ti je më e lumura, Virgjëresh, e kulluar Hyjlindëse.

Zbritësoret e Fjetjes së Hyjlindëses