Asnjëherë nuk do të fitosh ndonjë gjë nga mërzitja!

Mos u shqetësoni, pra, për të nesërmen,

sepse e nesërmja do të shqetësohet për punët e saj;

mjaft është në çdo ditë e keqja e saj.

Mt. 6:34

A ka diçka për të cilën je i shqetësuar sot?

Të shqetësohesh do të thotë të lejosh diçka të vërtitet herë pas here në mendjen tënde.

Perëndia nuk dëshiron të jetosh i shqetësuar ose në ankth për asgjë.

Ai e di që shqetësimi vjedh paqen dhe gëzimin tënd. Ai ndikon çdo pjesë të jetës sate.

A ke e dëgjuar thënien: “Mos u shqetëso se sëmuresh?”

Sepse shqetësimi ndikon në shëndetin tënd fizik; ndikon në gjumin tënd.

Asnjëherë nuk do të fitosh ndonjë gjë nga mërzitja, 

në fakt, do të humbësh momente të çmuara që nuk do të kthehen më kurrë.

Lajmi i mirë është që Perëndia ka premtuar që ti mund të triumfosh mbi shqetësimin.

Kjo fillon duke vendosur t’i besosh Atij. Nëse hedh mbi Të shqetësimet e tua, Ai do të të japë paqen e Tij.

Sot vendos të mos shqetësohesh më në jetën tënde.

Ushqeje besimin tënd dhe fut në mendjen tënde premtimet e Perëndisë.

Ndërsa përqendrohesh në Fjalën e Perëndisë, shqetësimi do të largohet dhe zemra do të mbushet me besim dhe shpresë;  dhe do të forcohesh për të ecur përpara në jetën e bekuar që Ai ka përgatitur për ty! Amin.