A më jepni një mrekulli?

“Vetëm një mrekulli mund ta shpëtojë vajzën tuaj”, - i tha mjeku. Motra e vogël sa e dëgjoi këtë, mori disa para nga sirtari dhe zuri farmacitë me radhë duke kërkuar një mrekulli. Të gjithë qeshnin me naivitetin e saj, por ajo këmbëngulte. Një mjek që rastisi në farmaci u prek shumë dhe kërkoi të vizitonte motrën e saj të sëmurë. “Me të vërtetë vetëm një mrekulli mund ta shpëtojë”, - tha edhe ai pasi e vizitoi, “Por unë do ta operoj sepse besoj se besimi i motrës së saj do të bëjë që Perëndia ta falë këtë mrekulli”. Operacioni u krye dhe e sëmura u shërua. Besim të tillë kërkon Perëndia prej të gjithëve.