... dhe çdo gjë që do të bësh do të kesh mbarësi!

Ai do të jetë si një dru i mbjellë përgjatë brigjeve të ujit,

që jep frytin e vet në stinën e vet dhe që gjethet nuk i fishken;

dhe gjithçka bën do të ketë mbarësi. Ps. 1:3

Pemët e mëdha përfaqësojnë fuqi, madhështi dhe qëndrueshmëri.

A e ke vërë re ndonjëherë ndryshimin midis një peme të mbjellë pranë ujit dhe asaj larg tij?

Pema pranë ujit është më e shëndetshme dhe më e gjallëruar.

Fruti dhe lulet e saj janë më të bukurat.  

Në të njëjtën mënyrë, kur ti je “mbjellë” në Fjalën e Perëndisë,

shpirti yt ushqehet dhe je më i fortë, pikërisht si pema pranë ujit.

Ti do të japësh frut në kohën e duhur.

 Me fjalë të tjera, ti do të jesh në vendin e duhur dhe në kohën e duhur.

Do të jesh produktiv dhe frytdhënës.

Vër re fundin e vargut të sotëm.

Ai thotë që çfarëdo që të bësh do të kesh sukses.

A dëshiron të kesh sukses në lidhje?

Kërko Fjalën e Perëndisë që ka të bëjë me lidhjet.

A dëshiron të kesh mbarësi me shëndetin tënd?

Kërko Fjalën e Perëndisë për shëndetin.

A dëshiron të kesh mbarësi me të ardhurat e tua?

Kërko Fjalën e Perëndisë që ka të bëjë me financën.

Sigurohu që mendja dhe zemra jote janë mbjellë në Fjalën e Perëndisë.

Lejo Atë ta ndriçojë zemrën me të vërtetën.

Lejo Atë të të ripërtërijë me premtimet e Tij.

 Kërkoje, besoji dhe bindju Atij, dhe çdo gjë që do të bësh do të kesh mbarësi. Amin